Umhverfisáhrif þaraupptökunnar

Í Noregi hefur þarauppskera verið stunduð á sjálfbæran hátt í meira en 40 ár. Fiskistofa og Hafrannsóknastofnun í Noregi hafa eftirlit með og setja reglur um þaraveiðar samkvæmt ströngum leiðbeiningum. Á Íslandi störfum við undir svipuðu reglukerfi undir ströngum leiðbeiningum og eftirliti Hafrannsóknastofnunar og munum beita vægari nálgun með bættri veiðitækni og þar af leiðandi starfa með aukinni sjálfbærni.

Með okkar sérhannaða skipi færum við þara upp á yfirborðið með greiðu sem dregin er á eftir kerinu í gegnum þarabeðin. Greiðan er sérstaklega hönnuð til að uppskera aðeins lítinn heildarhluta
(allt að 2%) af eldri plöntum sem eru orðnar 5-10 ára gamlar. Passað er að hafa breitt bil á milli hvers togs með greiðunni þannig að áhrif á uppskerusvæði séu sem minnst.

Til að gefa uppskeru okkar yfirsýn, þá verður þarinn allt að 11 ára gamall í náttúrunni áður en hann verður of þungur og stormar leysa hann frá grýttum sjávarbotninum og skola honum upp á ströndina. Eldri plönturnar þekja efra lag þaraskógarins og skyggja á yngri plönturnar fyrir neðan sig. Þegar eldri plönturnar losna frá, fá þær yngri greiðari aðgang að sólarljósi og vaxa hratt og viðhalda þannig kolefnisupptökujafnvægi innan skógarins. Á hverju ári eru 10-20% af eldri plöntum fjarlægð með stormum, þannig að hlutfallslega passar uppskera 2% eldri plantna vel inn í þessa náttúrulegu hringrás.

Þegar þarinn er kominn um borð í skipið er rótin skorin af og henni skilað aftur á sjó svo að allar þær lífverur sem búa innan þess geti flutt sig um set. Við förum ekki aftur á uppskerusvæði í að minnsta kosti 5 ár.